Plantun de Prouvènço

Pèr coumpara dos planto d'encò nostre

Vallisneria spiralis & Blackstonia acuminata

Erbo-di-frisoun

Vallisneria spiralis

Hydrocharitaceae

Àutri noum : Embuscun, Limoun.

Noms en français : Vallisnérie, Vallisnérie en spirale.

Descripcioun :
L'erbo-di-frisoun es uno planto diouïco que fai de coulounìo emé si fiéu ; li fueio soun verdo, longo, plato e larjo de 10 à 15 mm. Pèr li flour leissaren counta F. Mistral (Mirèio, cant V) "(...) l'erbeto di frisoun ; - A dos floureto, separado - Bèn sus dos planto, e retirado (...) - Mai quand vèn de l'amour pèr éli la sesoun - Uno di flour, touto souleto, - Mounto sus l'aigo risouleto - E laisso au bon soulèu espandi soun boutoun ; (...) - I'a l'autro flour qu'es trefoulido, - E la vesès, d'amour emplido, - Que nado tant que pòu pèr ié faire un poutoun. - E, tant que pòu, se desfrisouno - De l'embuscun que l'empresouno"...

Usanço :
Li fueio sarien manjado dins l'Asìo dóu levant.

Port : Erbo
Taio : 20 à 60 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Vallisneria
Famiho : Hydrocharitaceae

Coulour de la flour : Verdo
Petalo : 3
Ø (o loungour) enflourejado : 0,5 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Termoumediterran à Mesoumediterran
Couroulougi : Subretroupicalo
Ref. sc. : Vallisneria spiralis L., 1753

Jauneto(-bencudo)

Blackstonia acuminata

Gentianaceae

Autre noum : Toro.

Noms en français : Blackstonie acuminée, Chlore acuminée.

Descripcioun :
Aquelo jauneto, pas tant coumuno que sa cousino Blackstonia perfoliata, e mai primo, trachis dins li prado umido e en ribo de ribiero. Au contro de Blackstonia perfoliata, a pas li fueio soudado sus touto si longour. Aluca peréu li sepalo que soun mai largo, soudado di tres par uno e subretout bèn mai courteto que li petalo. Coumpara emé la jauneto coumuno.

Usanço :
Li grano de jauneto-bencudo cauprien de pouisoun proche de l'estritino. La planto sarié bono pèr lucha contro li fèbre.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Blackstonia
Famiho : Gentianaceae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Prado umido
Estànci : Mesoumediterran à Subremediterran
Couroulougi : Pancaro entresigna
Ref. sc. : Blackstonia acuminata (W.D.J.Koch & Ziz) Domin, 1933

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Vallisneria spiralis & Blackstonia acuminata

ges

Coumpara Erbo-di-frisoun emé uno autro planto

Coumpara Jauneto(-bencudo) emé uno autro planto